त्रिभुवन अन्तर्राष्ट्रिय विमानस्थल नजिकै गोली चल्यो

काठमाडौं । त्रिभुवन अन्तर्राष्ट्रिय विमानस्थल नजिकै लागुऔषध ओसारपसारमा संलग्न गिरोह पक्राउ गर्ने क्रममा प्रहरीले गोली चलाएको छ । प्रहरीको गोलीबाट लागुऔषध कारोबारी विकास भगत घाइते भएका छन्।
भगतले लागुऔषध कारोबार गरिरहेको सूचना पाएपछि प्रहरीले उनलाई नियन्त्रणमा लिने प्रयास गरेको थियो। नियन्त्रण लिने क्रममा उनले हतियार खोस्ने प्रयास गरेपछि प्रहरीले गोली चलाएको हो।
उनको साथबाट केही मात्रामा लागुऔषध बरामद भएको छ। घटनाबारे थप अनुसन्धान भइरहेको छ।