मृत भेटिए प्रहरी वरिष्ठ नायव निरीक्षक

बागलुङ । बागलुङको बडिगाड गाउँपालिका–६ स्थित इलाका प्रहरी कार्यालय भिमगिठेका इन्चार्ज वरिष्ठ प्रहरी नायव निरीक्षक (सई) मृत भेटिएका छन् ।
उनी बडिगाड गाउँपालिका वडा नं. ६ को आशा होटल एण्ड खाजा घरमा पर्दाको पासो लगाएको अवस्थामा भेटिएका हुन्।
घटनास्थल प्रहरीले सिल गरेको छ भने सोधपुछका लागी प्रहरीले होटल संचालिका आशा कुँवर र उनको छोरालाई नियन्त्रणमा लिएको छ ।
घटना सोमबार राति साढे १२ बजे भएको बताइएको छ । घटनास्थल जिल्ला सदरमुकामबाट करिब ८० किलोमिटरको दुरीमा छ ।