काठमान्डौ। गायक रमेश सापकोटाको नयाँ गीत “कालापानी भाग ०१ – भ्रमको खेती ” सार्वजनिक भएको छ। गीतमा मनिस तिवारीको शब्द , रोशन वान्तावाको एरेन्ज र स्वयं गायकको सङ्गीत रहेको छ । सापकोटालाई गायक सुमित ओझा र मनिस तिवारीले साथ दिएका छन् ।
गीत सार्वजनिक गर्दै गायक सापकोटाले सो गीत र भाका नितान्त देश प्रति समर्पित भएको भन्दै कुनै पार्टी , व्यक्ति र समुदाय प्रति लक्षित नभएको बताए। साथै उनले देशप्रति कोही कसैले कुनै कालखण्डमा गल्ती गरेको भए क्षमायाचना गर्नु पर्ने समेत बताए। गीतले देशको सामाजिक आर्थिक र राजनीतिक पाटो लाई उजागर गर्न खोजेको बताउँदै उनले यस प्रति सबै सचेत हुनुपर्ने बताए।
देशको समग्र अवस्था लाई मध्यनजर गरी बनाइएको सो गीतको भिडियो लाई प्रकाश बस्नेतले सम्पादन तथा निर्देशन गरेका हुन्।
